ATVİB-in bölgələrdəki Axısxa türkləri ilə görüşləri davam edir

26 mart 2022 tarixində Azərbaycanda yaşayan Axısxa Türklərinin “Vətən” ictimai birliyinin (ATVİB) növbəti iclası ATVİB İH-nin üzvü və sədr müavini Rüstəm Xəlilov, bölgə rəhbəri Mühiddin Xəlilov və Qaratəpə kəndinin ilk təşkilat rəhbəri İlyas müəllimin iştirak və təşkilatçılığı ilə Sabirabad şəhərinin Qaratəpə kəndində keçirildi.

İclasda ATVİB XI Ümumi Yığıncağına nümayəndə seçilən Axısxalı Türklər və digər qonaqlar iştirak etdi.

Toplantıda çıxış edən ATVİB sədr müavini və idarə heyətinin üzvü Rüstəm Xəlilov, iclas iştirakçılarına ATVİB sədri Xalid Xəlilovun salamlarını çatdıraraq, birlik tərəfindən son aylarda həyata keçirilən fəaliyyətlər və gələcək planlar haqqında ətraflı məlumat verərək ilk təşkilat rəhbəri İlyas müəllimə vətənə dönüş mübarizəsində uğurlu olmağı arzuladı.

ATVİB İH olaraq, dəyərli İlyas müəllimə yeni görəvində uğurlar arzulayırıq.